* తంగేడు చెట్టు సమూలం తెచ్చి ఎండించి చూర్ణం చేసి దానికి సమముగా పంచదార కలిపి పూటకు రెండున్నర గ్రాముల చొప్పున సేవించుచున్న అతిమూత్ర వ్యాధి నివారణ అగును.

* వెల్లుల్లి రేఖలు రెండుపూటలా తినవలెను . మొదటిరోజున ఒక రేఖ , రెండొవరోజున రెండు రేఖలు ఈ విధముగా పదిరోజులు క్రమం తప్పకుండా పెంచుకుంటూ పోతూ తినవలెను .

* నేరేడు గింజలను నీడలో ఎండించి మెత్తటి చూర్ణం చేసి నిత్యం అయిదు గ్రాముల చొప్పున నీటితో కలిపి సేవించుచున్న అతిమూత్ర వ్యాధి హరించును .

* మర్రిచెక్క రసము కాని కషాయం కాని సేవించుచున్న అతిమూత్ర వ్యాధి తగ్గును.

* మేడిచెక్క కషాయం కాని రసము కాని సేవించిన అతిమూత్ర వ్యాధి తగ్గును.

* తంగేడు పువ్వులను నీడలో ఎండించి చూర్ణం చేసి ఉదయం , సాయంత్రం 5 గ్రాముల చూర్ణాన్ని నీటితో కలిపి తాగవలెను.

* మర్రిపండ్లలోని గింజలను తీసుకుని నీడన ఎండించి మెత్తటి చూర్ణం చేసుకుని ఆ చూర్ణమును ఉదయం , సాయంత్రం 10 గ్రాముల చూర్ణమును నీటిలో కలిపి తీసుకొనుచున్న 40 రోజులలో అతిమూత్ర వ్యాధి హరించును .

* రావిచెట్టు పైన బెరడు నీడన ఎండించి చూర్ణం చేసుకుని రెండున్నర గ్రాముల చూర్ణమునకు తేనె , పంచదార కలిపి ముద్దలా చేసి ఉదయం , సాయంత్రం ఆహారానికి గంటన్నర ముందు తీసికొనవలెను.

* అత్తిపత్తి ఆకు అనగా ముట్టుకుంటే ముడుచుకుపోయే ఆకు ఈ ఆకు పది గ్రాములు , పాతబెల్లం కలిపి నూరి కుంకుడు గింజ అంత మాత్రలు చేసుకొని ఉదయం , మధ్యాన్నం , సాయంత్రం మూడుపూటలా తీసికొనవలెను.

పైనచెప్పిన యోగాలలో మీకు అనువైన యోగాన్ని ఏదో ఒకటి తీసుకుని ప్రయత్నించండి.

* రక్తపైత్య రోగం అనగా నోటివెంట దగ్గినప్పుడు రక్తం పడటం .

నాటు ఆవుపాలు పావు లీటరు తీసుకుని గిన్నెలో పోసి దానిలో మంచినీరు 1 1/4 లీటరు కలిపి చిన్న మంట పైన నీరంతా ఇగిరిపోయి పాలు మిగిలే వరకు మరగబెట్టి దించి చల్లారిన తరువాత ఆ పాలను ప్రతిరోజూ తాగుతూ ఉంటే దగ్గులో రక్తం పడే రక్త పిత్త వ్యాధి కొద్దిరోజులలోనే తగ్గిపోవును .

ఇంత సులువైన మందు యే వైద్య విధానంలో లేదు .

కాచిన ఆవుపాలు పావు లీటరు తీసుకుని దానిలో పటికబెల్లం పొడి 30 గ్రా , ఆవునెయ్యి 20 గ్రా , లక్కపొడి 2 గ్రా కలిపి ఒక మోతాదుగా రోజు రెండుపూటలా తాగిస్తూ ఉంటే ఒకటి లేక రెండు వారాలలో విరిగిపోయిన ఎముకలు తప్పకుండా అతుక్కుంటాయి.

రోజు రెండు పూటలా పావు లీటరు ఆవుపాలలో ఒక గ్రాము మిరియాల పొడి , పటికబెల్లం పొడి 20 గ్రాములు కలిపి తాగుతూ ఉంటే ప్రకోపించిన అతి కఫం అదృశ్యం అవుతుంది.

ఇనుప పాత్రలో కాచబడిన ఆవుపాలు పావు లీటరు తీసుకుని దానిలో తగినంత కండ చక్కర పొడి కలిపి రోజు పరగడపున సేవిస్తూ ఉంటే క్రమంగా పాండురోగం పారిపోయి రక్త వృద్ది కలుగుతుంది. క్షయవ్యాధి బహు త్వరగా పారిపోతుంది.

కాచిన ఆవుపాలు పావు లీటరు మోతాదుగా పటికబెల్లం పొడి కలిపి గోరువెచ్చగా కొంచంకొంచం తాగుతూ ఉంటే అప్పటికప్పుడే ఎక్కిళ్లు తగ్గుతాయి

అప్పటికప్పుడు చిలికిన మజ్జిగ నుంచి తీసిన ఆవువెన్న ని పసిపిల్లల అన్నప్రాసన రోజు నుంచి ఉదయం, మద్యాహ్నం, సాయంత్రం వేళ్ళల్లో వయసుని బట్టి పూటకు ఒక గ్రాము నుంచి పెంచుకుంటూ 10 గ్రాముల వరకు తినిపిస్తుంటే ఆ పిల్లల శరీరం ఉక్కులా బలంగా తయారు అయ్యి అవయవాలు అందంగా ఉంటాయి. తెలివి పెరుగును.

గోరువెచ్చని ఆవుపాలు పావు లీటరు తీసుకుని దానిలో పటికబెల్లం పొడి 25 గ్రా కలిపి మొదటిసారి సంభోగం అయ్యాక వెంటనే సేవిస్తే ఆ సంభోగం తాలుకు నీరసం తగ్గిపోవడమే కాక తిరిగి త్వరగా మరలా సంభోగం చేయగల శక్తి లభించును.

పైన చెప్పిన ఫలితాలు కేవలం నాటు అనగా దేశి వాళి ఆవుపాలు ద్వారానే సాధ్యం . సంకర జాతి పాలతో సాధ్యం కాదు.

* చాలా మందికి సరిగ్గా మరియు సరైన నిద్ర ఉండదు . అటువంటి వారు సాదారణంగా మత్తు కలిగించే ట్యాబ్లేట్స్ వాడుతుంటారు. అవి క్రమక్రమంగా ఆరోగ్యం పైన తీవ్రంగా ప్రభావం చూపిస్తాయి. నిద్రలేమి సమస్య తో బాధపడే వారు ఈ అశ్వగంధ చూర్ణం వాడటం వలన మంచి ఫలితాలు పొందగలరు .

* ఇది శరీరంలో వేడిని , వాతాన్ని తగ్గించును

* జీర్ణక్రియ మీద దీని ప్రభావము ఉంటుంది. జీర్ణశక్తిని పెంచును.

* పేగుల్లో మృదుత్వాన్ని తగ్గించును .

* విరేచనం సాఫీగా అయ్యేలా చేయును .

* విరేచనాలు అతిగా అవ్వకుండా చూస్తూ ప్రేగులకు హాని కలగకుండా కాపాడును.

* రక్తస్రావ సంబందించిన సమస్యలతో ఇబ్బందిపడేవారు మరియు రక్తపోటు సమస్యతో ఇబ్బందిపడేవారు వారు వాడుతున్న మందులతో పాటు ఈ అశ్వగంధ వాడుతున్నట్లైతే తొందరగా ఫలితాలు వస్తాయి

* వీర్యదోషాలకు కూడా మంచి మందుగా పనిచేయును .

* శరీరంలో వేడిని మాత్రమే కాదు .జ్వరాన్ని కూడా తగ్గించును .

* శరీరానికి అద్భుతమైన టానిక్ గా పనిచేయును .

* వాతం , కీళ్లనొప్పులు , నడుమునొప్పి గలవారు వారు తీసుకునే మందులతో పాటు ఈ అశ్వగంధని వాడుకోవడం వలన శీఘ్రగతిన ఫలితాలు వస్తాయి.

* థైరోయిడ్ గ్రంధి , గజ్జల్లో వచ్చే బిళ్లలు దాన్ని లింఫ్ గ్రంధుల వాపు వీటిపైన అశ్వగంధ బాగా పనిచేస్తుంది .

* మెదడు వ్యాధులు , నరాల జబ్బులు , వణుకుడు , మూర్చలు మొదలయిన జబ్బులతో బాధపడే వారు వైద్యుని సలహా మేరకు ఈ అశ్వగంధ వాడుకోవచ్చు .

* తలతిరుగుడు , ఒళ్ళు తూలుడు , మగతగా ఉండటం , నిద్రపట్టక పోవడం , ఇవన్ని వాత సంబంధ సమస్యలు వీటికి అద్బుత ఔషదం ఈ అశ్వగంధ .

* గుండె జబ్బులు ఉన్నవారు , గుండె ఆపరేషన్ చేయిచుకున్న వారు , గుండెపోటు వచ్చి తగ్గి మందులు వాడుకుంటున్నవారు తెల్ల మద్ది చెక్క చూర్ణం , అశ్వగంధ చూర్ణం సమానంగా తీసుకుని ఆ చూర్ణాన్ని తేనెతో కలిపి తీసుకొనిన మంచి ఫలితాలు వస్తాయి .

* స్త్రీల కుసుమ వ్యాదులు, తెల్లబట్ట , అతి రక్తస్రావం వంటి సమస్యల్లో స్త్రీలకు అశ్వగంధ చాలా ఉపయోగకరంగా ఉండును.

* చర్మవ్యాధుల్లో కూడా మంచి ఔషధంగా పనిచేయును .

* క్షయవ్యాధి , పోలియో వ్యాధికి కూడా ఔషదాలతో పాటు ఇది వాడుకోవచ్చు .

పైన చెప్పినటువంటి యోగాలు మాత్రమే కాక మరెన్నో రోగములకు ఈ అశ్వగంధ చూర్ణం అత్యద్భుతంగా పనిచేయును. బయట షాపుల్లో దొరికే అశ్వగంధ చూర్ణం శుద్ధిచేయబడి ఉండదు. శుద్ధిచేయబడని చూర్ణం వాడటం వలన ఫలితాలు అంత తొందరగా రావు. ఫలితాలు త్వరగా రావలెను అనిన శుద్ధి చేయబడిన అశ్వగంధ చూర్ణాన్ని వాడవలెను.

మేలైన అశ్వగంధ గడ్డలను తీసుకొని వచ్చి శుభ్రముగా కడిగి బాగుగా ఎండించి స్వచ్ఛమైన దేశివాళి ఆవుపాలయందు ఉడికించి బాగా ఎండపెట్టాలి . మరలా ఉడికించి ఎండించవలెను . ఇలా 11 సార్లు ఉడికించి ఎండించి ఆ తరువాత మెత్తటి చూర్ణం చేయవలెను .

పైన చెప్పిన పద్ధతిలో తయారు చేసినటువంటి అశ్వగంధ చూర్ణం సంపూర్ణమైన ఫలితాలు అతి త్వరగా ఇచ్చును.

* ఉల్లిపాయ రసమును వంటికి పట్టించిన వడదెబ్బ నివారణ అగును.

* వేసవి ఎండలో నడవవలసి వచ్చినపుడు ఒక ఉల్లిపాయ టోపిలో గాని రుమాలులో గాని నడినెత్తిన పెట్టి కట్టుకొని నడిచిన వడదెబ్బ తగలదు.

* నీరుల్లిపాయ రసం రెండు కణతలకు , గుండె ప్రదేశములో పూసిన వడదెబ్బ తగలడం వలన కలిగిన బాధలు తగ్గును.

* వడదెబ్బ తగిలిన ముఖము పైన , శరీరము పైన నీళ్లు చల్లుతూ తలపైన మంచుగడ్డలు ఉంచి తాగుటకు నిమ్మరసంలో ఉప్పు కలిపి ఇవ్వవలెను.

* కుమ్మున ఉడికించిన మామిడికాయ రసములో ఉప్పు , జీలకర్ర కలిపి భోజనం నందు తాగుచుండిన వడదెబ్బ తగలదు.

* విశ్రాంతిగా పడుకోనిచ్చి ఆ తరువాత కాఫీ ఇచ్చిన వడదెబ్బ నుంచి తేరుకొందురు.

* 48 గ్రాముల చన్నీటిలో ఒక తులము తేనె కలిపి ఇచ్చిన వడదెబ్బ నివారణ అగును.

* వడగళ్ళు పడినపుడు ఆ ఐస్ గడ్డలను ఏరి విభూతిలో వేసి నిలువ ఉంచి జాగ్రత్తగా దాచి ఆ విభూతిని మూడువేళ్ళకు వచ్చినంత తీసుకుని మంచినీటిలో వేసి వడదెబ్బ తగిలిన వారికి ఇచ్చిన వడదెబ్బ నివారణ అగును.

* తరువాణి తేటలో ఉప్పును చేర్చి ఇవ్వవలెను.

* తాటిముంజలు పంచదారతో కలిపి తినిపించవలెను.

* నాలుకకు పాత ఉశిరిక పచ్చడి రాసి పుల్లని ఆవుమజ్జిగ లో ఉప్పువేసి అన్నంలో పోసి పిసికి పిప్పిని         పారవేసి ఆ రసమును తాగించవలెను .

* చన్నీటితో స్నానం చేయించవలెను .

* వేడివేడి పలచటి గంజిలో ఉప్పు వేసి తాగించవలెను .

వడదెబ్బ తగిలినప్పుడు పైన చెప్పిన యోగాలలో మీకు వీలైనవి పాటించి సమస్య నుంచి బయటపడండి . ప్రస్తుత పరిస్థితుల్లో ఎండలు చాలా ఎక్కువ అవుతున్నాయి. వీలున్నంతవరకు బయటకి పోకుండా ఉండటం మంచిది . వెళ్ళవలసి వస్తే పైన చెప్పిన యోగాలు పాటిస్తూ జగ్రత్త వహించండి.

వెల్లుల్లి మిక్కిలి ఉష్ణమును పుట్టించును . కఫ , వాత , శ్లేష్మములను , సూతికా , సన్నిపాతము , శీతల వాతము , వాత పురాణ జ్వరములను , శూల , అగ్నిమాంద్యము , అరుచి , అజీర్ణవికారములు , నంజు రోగములు , కడుపులో బల్లలు , ఉదరములు , గుల్మ , శ్వాస , కాస , మూలరోగములు , క్షయ , కుష్టు మున్నగు వానిని నివారించును.

యునాని వైద్యము నందు ఈ వెల్లుల్లితో లేహ్యములు , షర్బత్తులు మొదలైన వాటిని యునాని వైద్యులు విస్తారంగా తయారుచేసి వాడుదురు . సర్వాంగవాతములు , ఆమవాత , పక్షవాతములు , తలతిప్పుట , నరముల రోగములు పోగొట్టి ఆకలిని , అగ్నిదీప్తిని , కాంతిని , బలమును కలుగచేయును . వీర్యవృద్ధి , ఆయుర్వృద్దిని కలుగచేయును . రక్తశుద్దిని కలుగచేయును . కడుపులోని దుర్వాతములు , స్త్రీల రజో , రక్త సంబంధ దోషములు , మూత్రబద్ధకములు దీనివలన నెమ్మదించును. వెల్లుల్లిపాయలు మరియు మేకపాలతో కలిపి చేసిన లేహ్యము మిక్కిలి ధాతుపుష్టి కలిగించును. ఈ పాయలను నూనెలో కాచి చల్లార్చి దానిని చెవిలో పోసిన కర్ణరోగములు , చెవుడు మొదలైనవి హరించును . ఈ తైలమును పక్షవాతమునకు మర్దన చేయవచ్చు . విషములు హరించును . చిడుము మొదలైన చర్మరోగములు నశించును. లోపలికి పుచ్చుకున్న బహుమూత్రములు కట్టును .

వెల్లుల్లి గడ్డలను కుమ్ములో ఉడికించి తినిన మూలవ్యాధులు నశించును. వెల్లుల్లి రసమును పూసినను లేక ఉప్పుతో నూరి కట్టినను గాయములు , బెణుకులు , వాత , మేహ వాతపు పోట్లు , కీళ్లపోట్లు నశించును. లోపలికి పుచ్చుకున్నచో ఉబ్బసరోగులకు వాత , పక్షవాత రోగులకు ఇది చాలా హితకరము .

దీనిని ఎక్కువ మోతాదులో , అతిగా వాడరాదు . అతివేడి కలిగించును. రక్తపిత్తము కలిగించును. మగతనం నశింపచేయును . మూలరోగము , గ్రహణి , రక్తవిరేచనాలు కలిగించును. దీనికి విరుగుళ్లు నెయ్యి , పులుసు , పాలు , ఉప్పు . వీటితో కలిపి వండిన దోషము నశించును.